Til að skipta dánarbúi einkaskiptum þurfa erfingjar að lýsa yfir ábyrgð á öllum skuldbindingum búsins, þ.e. öllum þeim fjárhagslegu skuldbindingum hins látna, hvort sem þær eru þekktar eður ei.

ERFÐAMÁL.IS býður upp á forkönnun á fjárhagsstöðu einstaklings, þar sem farið er yfir helstu þætti sem þarf að kanna áður en tekin er ákvörðun um hvort fara eigi með dánarbú í einkaskipti eða opinber skipti, eða eftir atvikum báðar leiðir.

Mikilvægt er að erfingjar séu meðvitaðir um réttarstöðu sína varðandi réttmæta arfsúthlutun í hverju tilviki.

Ávallt skal leytast eftir samkomulagi á milli aðila ef ágreiningur skapast. Ef ekki er unnt að leysa ágreining er mikilvægt að rétt skref séu tekin til að fá úrlausn slíkra mála.

Útbúum og varðveitum erfðaskrár með tryggum hætti. Ráðleggjum einstaklingum hvernig sé hagkvæmasta leiðin við eignatilfærslur.

Erfðaskrár þurfa að vera með tilteknum hætti til að þær geti mælt fyrir um hinn efnislega erfðarétt. Formskilyrði slíkra skjala eru afar ströng og rangt útbúnar erfðaskrár hafa oft ekkert lagalegt gildi fyrir þann sem vilji er til að fái bréfarf.

Af arfleiðslugerningum þarf að greiða erfðafjárskatt og er ERFÐAMÁL.IS til ráðgjafar í þeim efnum sem og öðrum.